Hadi Rəcəbli şəhid ailəsi üzvlərini Milli Məclisin qarşısında qarşıladı

Dərc edildi:


Hadi Rəcəbli şəhid ailəsi üzvləri ilə Milli Məclisin qarşısında söhbət edərkən

Məclisinin Əmək və Sosial siyasət komitəsinin sədri, deputat Hadi Rəcəbli Milli Məclisin qarşısında eyni vaxtda onlarla şəhid ailəsi üzvü ilə söhbət edib.

Ərazidə mühafizəçi, nəzarətçi, gözə dəymir, polis tək-tükdür. Vətəndaşlar maneəsiz Hadi Rəcəbliyə yaxınlaşır, sual verir və sualının cavabını alır.

Bu Milli Məclisin tarixində istisna haldır.

Videonu izlədikdən sonra Hadi Rəcəbliyə telefonla zəng etdik. Dəstəyi götürdü, soruşduq doğrudanmı, şəhidlərin qan pulu kütləvi şəklidə kimlərsə tərəfindən mənimsənilib? Cavab verdi ki, bir neçə belə halın ola bilməsi istisna deyil, amma əksər hallarda pul ödənilib, ailə üzvləri pulu alıblar, sədəcə unudublar. Bəziləri isə etiraf edirlər ki pul alıblar, amma ikinci dəfə yenidən almaq istəyirlər.

Başlıca səbəblərdən biri də o illərdə insanların hüquqi biliklərinin aşağı səviyyədə olması idi. Onlar hara müraciət edə biləcəkləri ünvanları tanımırdılar. İndi vəziyyət bir qədər fərqlidir. O mənada ki, şəxsən mən həmin ailələri araşdırır, onları maraqlandıran sualları cavablandırır, məsələnin həlli yollarını izah etməyə çalışıram. Hesab edirəm ki, deputat həmkarlarımla yanaşı, jurnalist dostlar, qeyri-hökumət təşkilatlarının nümayəndələri belə ailələrə imkan daxilində hüquqi, mənəvi yardım etməlidirlər. İkinci məsələ isə ondan ibarətdir ki, elə əlil insanlar var ki, onlar bu vəziyyətlərindən barter kimi istifadə edirlər.

Burada bir məqam da var. O vaxt şəhid ailələrinə üç min manat birdəfəlik müavinət müəyyənləşdirilmişdi və həmin ailələr üç il müddətinə aidiyyəti qurumlara müraciət etməsəydi sonradan həmin müavinət verilmirdi.

Zamanla möhtərəm Prezidentimizin rəhbərliyi ilə bu yöndə işlər daha da təkmilləşdirilərək həmin üç il məhdudiyyət aradan qaldırıldı və qanunla müəyyən olundu ki, şəhid ailəsi istənilən vaxt onlara ayrılan müavinəti ala bilər. Daha sonra şəhid ailələrinə verilən müavinət artırılaraq 11 min manata, əlil ailələrinə isə 8 min manata çatdırıldı.

Bütün bu işlər 2013-cü ildə həyata keçirildi. İndiki məqamda, dünyada neftin qiymətinin aşağı düşdüyü bir vaxtda belə bir ideyanın irəli sürülməsi təbii ki, qeyri-reallıqdan xəbər verir. Ona görə də düşünürəm ki, imkanlar çərçivəsində işlər görməli, yeni ideyalar səsləndirməzdən əvvəl imkanlarımıza nəzər yetirməliyik…

Dərc edən:

 

ILK-10



Ipekchi

E-mail:

editor@ipekchi.info.

Telefon:

+994 55 793 23 83.

© 2007 - 2018, ASIS PRODUCTION.

© 2007 - 2018, IPEKCHI.INFO.