Yaxın keçmişdə dünyanın ən böyük toxuculuq sənayesi mərkəzlərindən biri olan Şəki şəhərində indi demək olar ki sənaye iflic vəziyyətindədir. Bu rəsmi statistikalarda aydın görünür. 2017-ci ildə rayonda cəmi 20 sənaye müəssisəsi fəaliyyət göstərib ki, bu da son 8 ilin ən aşağı göstəricisidir. 2017-ci ildə sənaye müəssisələrində işləyənlərin orta əmək haqqı cəmi 292 manat olub ki, bu son üç ilin ən aşağı nəticəsi hesab edilə bilər. Sovet dövründə yalnız bir Şəki İpək kombinatı ilə kombinatın Şəki şəhərindəki filiallarında 7 min nəfərə yaxın işçi olduğu halda, 2017-ci ildə bütün Şəki rayonunda cəmi 1715 nəfər sənaye sahəsində çalışıb, bu həm də 2010-cu ildəkindən də azdır.
2017-ci ildə rayonda 27 milyon 556 min manatlıq sənaye məhsulu istehsal olunub ki, bunun 74,6%-i elektrik enerjisinin payına düşür. Yəni istehsal olunmuş elektrik enerjisini nəzərə almasaq, 2017-ci ildə rayonda cəmi 7 milyon manatlıq sənaye məhsulu istehsal edilmişdir. Daha pisi isə budur ki, bu 7 milyon manatlıq məhsulun 6,1 milyon manatlığı 2017-ci ilin sonuna qədər satılmayıb qalıb. Deməli, 170 min əhalisi olan Şəki rayonunda 2017-ci ildə istehsal edilmiş 7 milyon manatlıq sənaye məhsulundan cəmi 900 min manatlığı satılıb.
Şəki ipək kombinatının 2017-ci il üçün istehsal göstəriciləri də heç də ürəkaçan deyil. Kombinatda 2012-ci ildən sonra ipək xalça istehsalı dayanıb. Pambıq parça istehsalı artsa da, əmtəəliyi yoxdur. Yəni daxili tələbat üçün istehsal edilir, satılmır. İpək parça istehsalı 2010-cu ilə nisbətən 2-3 dəfə azdır və s.
Rayonda son illərdə bərpa edilmiş yalnız bir sənaye sahəsi var, o da 2000-ci ildən sonra 15 il ərzində istehsalına icazə verilməyən papiros və siqaret istehsalıdır.
| 2010 | 2012 | 2013 | 2014 | 2015 | 2016 | 2017 | |
| Fəaliyyət göstərən müəssisələrin sayı | 24 | 27 | 26 | 26 | 27 | 31 | 20 |
| Sənaye məhsulu (müvafiq ilin qüvvədə olan qiymətlər ilə) min manat | 13868 | 25249 | 22236 | 20938 | 18582 | 22622 | 27556 |
| Sənaye məhsulunda qeyri-dövlət sektorunun xüsusi çəkisi faizlə | 37,9 | 29,2 | 24,5 | 28,3 | 21,7 | 24,2 | 25,4 |
| İstehsal edilmiş hazır məhsulun ilin axırına qalığı, min manat | 5063 | 8763 | 7247 | 6187 | 6433 | 6432 | 6100 |
| İşçilərin orta siyahı sayı – cəmi, nəfər | 1996 | 1875 | 1921 | 1666 | 1395 | 1682 | 1715 |
| İşçilərin orta aylıq əməkhaqqı, manat | 181,6 | 285,1 | 315,0 | 245,8 | 299,4 | 300,5 | 292 |
| Papiros və siqaretlər, mlyn. ədəd | – | – | – | – | – | 4,5 | 11 |
| İpək parça, min kv.m | 735,8 | 660,5 | 602,4 | 185 | 272,4 | 221,6 | 274,5 |
| İpək parça, əmtəəlik, min kv.m | 164,5 | 31,3 | 12,5 | – | 79,5 | – | 92,5 |
| Hazır pambıq parçalar, min kv.m | 6,9 | 114,5 | 234,7 | 84,4 | – | 57,5 | 200,6 |
| Hazır pambıq parçalar, əmtəəlik, min kv.m | 6,9 | 69,8 | 94,6 | 84,4 | – | – | – |
| Xam ipək, ton | 51,8 | 2,1 | – | – | – | 9,0 | 25,7 |
| Xam ipək, əmtəəlik, ton | 12,2 | 2,1 | – | – | – | – | – |
| İpək xalça, kv.m | 127 | 314 | |||||
| Elektrik enerjisi, mlyn. kVt-saat | 172,2 | 313,9 | 317,1 | 278,4 | 274,9 | 231,4 | 219,1 |
| Elektrik enerjisi, əmtəəlik, mlyn. kVt-saat | 166,6 | 306,5 | 310,2 | 271,9 | 268,3 | 226,7 | 217,6 |
Aydın Məmmədov
Hi there just wanted to give you a quick heads up. The text in your content seem to be running off the screen in Internet explorer. I’m not sure if this is a format issue or something to do with browser compatibility but I thought I’d post to let you know. The design and style look great though! Hope you get the issue solved soon. Kudos